Google ADS

Aksident në rrugën Lezhë-Shëngjin, lëndohen edhe disa turistë kosovarë

21:04 | 7 Korrik 2019
Arbresh Info

Gjashtë persona kanë mbetur të lënduar në një aksident trafiku që ka ndodhur në aksin rrugor Lezhë – Shëngjin, në mesin e tyre të lënduar edhe nga Kosova.

Ngjarja ka ndodhur pasditen e sotme në aksin rrugor Lezhë- Shëngjin, në vendin e quajtur “Lagje e Shaljanëve”, raporton OraNews.

Sipas policisë “mjeti me drejtues shtetasin K.N.,24 vjeç, banues në Lezhë është përplasur me mjetin me drejtues shtetasin A.K., 36 vjeç, banues në Kosovë”.

Si pasojë e përplasjes kanë marrë dëmtime dhe janë transportuar në spitalin Rajonal Lezhë, drejtuesit e dy mjeteve si dhe shtetasit: E.V.,28 vjeç, banues në Tiranë, L.N.,20 vjeç,banues në Lezhë B.K.,35 vjeçe, banuese në Kosovë dhe i mituri A.K.,të cilët ndodheshin si pasagjerë në të dy mjetet.

Grupi hetimor vazhdon veprimet në vendngjarje për sqarimin e rrethanave të aksidentit.

Shpërndaje në rrjete sociale

Lajmet më të lexuara

Të ngjashme

Foto lajm